Yüksək inkişaf edən pedaqogika cəmiyyət hаdisələrində оlаn gözəl­lik­lərin, komponentlərin, incə düşüncələrin, estetik görüşlərin  xüsusiy­yətlərini öy­rə­nir”. Estetik tərbiyə də ana təbiət ilə cəmiyyət hаdi­səlrinin gözəlliklərini öyrənən estetikаyа əsаs­lаnır.. Ali məktəbdə “Azərbaycan şifahi xalq ədəbiyyatı”, və “Pedaqogika” fənninin tədrisində estetik tərbiyə məsələləri də xüsusi əhəmiyyətə malikdir. Naxçıvan aşıqla­rı­nın yaradıcılığında estetik tərbiyə ilə bağlı olduğuna görə bunun ali məktəbdə tədrisi məsələ­lə­rin­dən bəhs edilir. El qızlarına məxsus və estetik tərbiyəni şəkilləndirən estetik gözəllik əlamətləri, yəni məftunedici baxışları, gözəlin hörüklərinin uzunluğu, dərisinin bəyazlığı, onun ağca maya olması  Naxçıvan aşığı Ululu Kərimin Şahbuzun Keçil kəndinin qızlarının zahiri gözəlliklərinin tərənnümünə həsr etdiyi gəraylısında öz estetik təsvirini bədii çalarlarla tapmışdır. Naxçıvan aşıqlarından Aşıq Əli Xanxanım oğlunun estetik gözəllik anlayışına münasibəti digərlərinə nisbətən daha real və həyatidir. Aşıq yaradıcılığından hər bir gənc (istər oğlan, istərsə də qız) öz sevgilisinə qarşı müsbət əxlaq və davranış qaydalarını da mənimsəyir. Aşiq olduğu gözəli naz-qəmzəli görmək, bu gözəllik ədasını layiqincə qiymətləndirmək, onun dərdinə yanmaq, qəminə şərik olmaq kimi batini gözəllik əlamətləri aşıq şeirinin əsas aparıcı mövzularındandır. Bu mövzuların gənc nəslə aşılanması onların estetik şüurunun, estetik zövqün və estetik dünyagörüşünün inkişafında xüsusi pedaqoji əhəmiyyətə malikdir.