Orjinal Araştırma Makalesi | Anadolu Türk Eğitim Dergisi 2024, Cil. 6(1) 138-144
Surə Rəhimova & Elsad Ismayilov
ss. 138 - 144 | DOI: https://doi.org/10.29329/ated.2024.665.16 | Makale No: MANU-2404-18-0003
Yayın tarihi: Haziran 05, 2024 | Okunma Sayısı: 8 | İndirilme Sayısı: 52
Özet
Normal metabolizm zamanı bədənimiz tərəfindən aktiv oksigen törəmələri adlanan əlavə məhsullar istehsal olunur. Bununla belə, bəzi xarici mənbələrdən sərbəst radikalların təsirinə də məruz qala bilərik; Siqaret çəkmək, ətraf mühitin çirklənməsi, kimyəvi maddələr və toksinlər aktiv oksigen istehlakını artırır. Aktiv oksigen törəmələrinin və ya sərbəst radikalların səviyyəsinin artırılması oksidləşdirici stress yaradır ki, bu da maddələr mübadiləsinin pozulmasına, zülal və DNT-nin zədələnməsinə səbəb olur. Məqalədə Naxçıvan MR ərazisində yetişən alma və armud meyvələrinin antioksidant aktivliyinin tədqiqi nəticələri verilmişdir. İnsan üçün çox faydalı meyvələrdən olan alma və armudun bir sıra mühüm xüsusiyyətləri araşdırılmış və nəticələr məqalədə öz əksini tapmışdır. Naxçıvan MR ərazisində yayılmış alma sort və formaları əsasən 3 qrupa bölünür.Tədqiqat obyekti olaraq seçilmiş qırmızı müşki sortu muxtar respublika ərazisində geniş yayılmışdır və yay sortudur.Tədqiqat obyekti olaraq alma və armud meyvələri seçilmiş, tədqiqat işi DPPH metodikası əsasında aparılmışdır.Yaylıq sort olan Abbasbeyi armud sortu həmçinin tədqiqat obyekti olaraq seçilmişdir. Naxçıvan MR ərazisində ən geniş yayılmış qədim yerli sortlardandır. Sort haqqında məlumatlar toplanmış və müəyyən edilmişdir ki, aprel ayında çiçəkləyir. Meyvəsi iridir, kütləsi 180-220 q, meyvənin hündürlüyü 80-85 mm-dir. Qabığı nazik, rəngi tünd sarı, azacıq qırmızıdır. Götürülən nümunələr üçün SC50 qiyməti hesablanmışdır. Armud meyvəsi üçün SC50 qiyməti 6,73 ± 0,065, alma üçün 0,86 ± 0,032 alınmışdır. Alınan nəticələrdən aydın olur ki, armud meyvələrinin antioksidant aktivliyi alma meyvəsindən yüksəkdir.
Anahtar Kelimeler: Antioksidant, meyvə, DPPH, etanol, ekstrakt
Bu makaleye nasıl atıf yapılır? |
---|
APA 6th edition Harvard Chicago 16th edition |
Kaynakça |
---|
|